FELICIDAD – VY’APAVÊ
Ohai Guaraníme: David Galeano Olivera
Leer original (hacer clic) en: http://cafehistoria.ning.com/profiles/blogs/felicidad-vy-apav
Leer también en: http://dgaleanolivera.wordpress.com/felicidad-vyapave/
En el principio de los tiempos, se reunieron varios demonios para llevar adelante una travesura
Yma, ara ypýpe, oñembyaty hikuái heta moñái oñembojaru haĝua yvyporakuérare
Uno de ellos dijo: “Deberíamos eliminar algo en los hombres. Ahora bien, ¿qué les cercenaremos?”
Peteîva osê he’i: “Jahekyi’arâmo’â peteî mba’e yvyporakuéragui. Áĝa, mba’épa ikatu jahekýi chuguikuéra”
Después de mucho meditar, otro de ellos dijo: “¡Ya sé!, vamos a cercenarles la felicidad, pero el incoveniente es dónde esconderla para que no la puedan encontrar...”
Heta oñepy’amongeta rire, ambue osê he’i “Aikuaáma, jahekýita chuguikuéra vy’apavê. Áĝa pe che ndaikuaáivango moôpa ñañomíta ani haĝua ha’ekuéra ojuhu…”
Uno de ellos opinó: “Podríamos esconderla en la montaña más alta del mundo”
Peteîva osê he’i: “Ikatúngo ñañomi pe yvyty ijyvatevévape oîva ko yvórape”
Otro de ellos, manifestó: “No. Recuerda que tienen fuerza. Alguna vez alguien puede subir y encontrarla. Si la encuentra uno, ya todos sabrán donde está...”
Ambue ohenduka hemiandu kóicha: “Nahániri. Nemandu’áke ha’ekuéra ipu’akaha. Peichaháguiente peteî ojupíta ha ojuhúta. Peteî ojuhúramo, opavavete oikuaátama mamópa oî…”
Luego otro propuso: “Entonces vamos a esconderla en el fondo del mar. Allí no la encontrarán…”
Upéi ambue he’i: “Upéicharô ñañomiva’erâ para ruguaitépe. Upépengo ndojuhumo’âi hikuái…”
Y otro contestó: “No. Recuerda que siempre están indagando. Alguna vez alguien construirá algún aparato para poder bajar y entonces la encontrará...”
Ha ambue ombohovái: “Nahániri. Nemandu’áke ha’ekuéra akóinte ojeporekaha. Oĝuahêta peteî ára ha’ekuéra ojapotahápe peteî mba’yru oguejy haĝua ha upéicha ojuhúta hikuái…”
Uno más dijo: “Escondámosla en una estrella muy lejos de la Tierra”
Peteî osêjey he’i: “Ñañomína peteî mbyjápe oîva mombyryeterei ko Yvýgui”
Y... le respondieron: “No. Recuerda que tienen inteligencia y un día alguien armarán una nave espacial en la que puedan viajar y lograrán descubrir el misterio. Entonces, todos tendrán felicidad...”
Ha… ombohovái hikuái chupe: “Nahániri. Nemandu’áke iñaranduha hikuái ha peteî ára ikatu ojapo peteî mba’yruveve ha péicha ojuhúta hikuái pe mba’e oñemoñemíva. Péva ojehúrô, opavavete hupytýta hikuái vy’apavê…”
El benjamín de los demonios que, en silencio, escuchaba atentamente cada una de las propuestas de sus colegas. Analizó cada una de ellas y entonces tomo la palabra: “Ya se dónde ponerla para que realmente permanezca bien escondida”
Pe moñái pahague niko, kirirîháme, ohendúkuri opavave iñirû remiandu. Ohesa’ŷijókuri peteîteî umi temiandu ha upéi ojerure ñe’ê: “Aikuaáma moôpa ñañomikuaa”
Todos se dieron la vuelta y preguntaron al mismo tiempo: “¿Dónde?”
Maymáva ojere ha oporandu oñondivepa: “Mamópa”
El diablillo respondió: “La esconderemos dentro de ellos mismos. Estarán tan ocupados buscándola fuera, que nunca la encontrarán”
Moñai’i ombohovái: “Ñañomíta ipypekueravoi. Ha’ekuéra oikóta oheka hikuái ijere ha opárupi ha araka’eve ndojuhumo’âi”
Todos estuvieron de acuerdo y desde entonces ha sido así: el hombre se pasa la vida buscando la felicidad en su entorno sin saber que la lleva consigo, en lo más recóndito de su corazón...
Opavavete omoneíkuri ha upete guive ojehu péicha: yvypóra oikójepi oheka vy’apavê ijerére oikuaa’ŷre vy’apavê oñemohendahague ikorasôruguaitépe…
